Yule kijeba aliyekutana na Simba asaka klabu ya 20

Hivi unawakumbuka wale Al Masry waliokuja kucheza na Simba mwaka jana? Sasa kuna jamaa wao yule kijeba pande la mtu miraba kama 7 hivi Aristide Bance.

Yule Bance mpaka sasa yupo pale pale Al Masry lakini inasemekana anataka kwenda klabu ya Horoya FC. Ikumbukwe mwaka jana alisema timu nyingi za waraabu hasa hasa ligi ya Misri inatisha kwa ubaguzi na kuwanyanyasa wachezaji weusi.

Bance alidai kuwa sababu kubwa wamisiri kufeli kombe la dunia ni kutokana na laana ya ubaguzi waliyo nayo kwenye ligi. Sababu hii imemfanya mchezaji asake timu ya kwenda msimu huu.

Bance ni mzaliwa wa Ivory Coast lakini ana uraia wa Burkina Faso kwa sasa. Bance ana undugu na yule nyota wa zamani wa Ivory Coast Aruna Dindane.

Rekodi kubwa ya huyu mwanaume ni kucheza vilabu vingi. Bance amecheza takribani vilabu 20 akiwa na umri wa miaka 34. Kwa sasa anasaka klabu ya 21. Na bado anasema anataka kucheza hata mpaka miaka 40.

Bance alianza kucheza soka la kulipwa 2000 katika klabu ya Stade d’Abbidjan. Ameichezea timu ya taifa ya Burkina Faco tokea 2003 michezo 73 na kufunga magoli 22. Tokea 2006 hakuwahi kuchezea timu kwa zaidi ya misimu miwili.

Wasifu
Msimu	Klabu	M	G
2000	Stade d’Abidjan	33	(8)
2001	Athlétic Adjamé	30	(5)
2002	RFC Daoukro	20	(8)
2002–2003	Santos Burkina	16	(9)
2003–2006	Lokeren	77	(27)
2006–2008	Metalurh Donetsk	12	(2)
2007–2008	Germinal Beerschot (mkopo)	9	(0)
2008	Kickers Offenbach (mkopo)	10	(4)
2008–2010	1. FSV Mainz 05	62	(24)
2010–2012	Al-Ahli Dubai	7	(2)
2011	Umm-Salal (Mkopo)	8	(4)
2011	Samsunspor (Mkopo)	20	(5)
2012–2014	FC Augsburg	18	(0)
2013–2014	Fortuna Düsseldorf (mkopo)	10	(2)
2014	HJK Helsinki	4	(1)
2015	Irtysh Pavlodar	11	(2)
2015–2016	Chippa United	14	(3)
2016	Riga	8	(1)
2016–2017	ASEC Mimosas	26	(13)
2017–2018	Al-Masry